Coro La Escala tabata tremendo!
ORANJESTAD (AAN) – E Dia di Himno y Bandera e aña aki, a bolbe haya bida pasobra na henter Aruba tabata tin diferente lugar cu yen di ambiente.
Un di e lugarnan tabata Centro di Bario Playa Pabao cu a luci cu e celebracion di nos Dia Nacional. Coro la Escala a habri e atardi cultural cuminzando cu e cancion di Jossy Broke: “Mi Pais”. El a wordo interpreta pa un meneer cu un hopi bunita voz, y el a sa di emociona e presentenan, incluso saca awa di wowo den e publico. Sonido tabata excelente. Nan a trece un ambiente masha bunita mes, pa grandi y chikito.
Tambe tabata tin presentacion di baile di cinta y otro bailenan di Aruba su folklore. E cuminda tabata masha dushi y na bon prijs. Pabien na Centro di Bario Playa Pabao. Hopi bunita evento y hopi bon organiza.
https://diario.aw/categories/noticia/general/centro-di-bario-playa-pabao-a-luci-cu-celebracion-di-dia-di-himno-y-bandera#sigProIdac78c9abda
