Personal di WEB Aruba NV a yuda tambe duna Maria School durante Aruba Doet

ORANJESTAD (AAN): E aña aki atrobe, empleadonan di WEB Aruba NV cu hopi animo a ‘haci bon y pasa bon’ cu e actividad di boluntario di Aruba Doet.

  Mas cu claro, for di mainta trempan e teamnan cu a 'doet' na Maria School situa na Santa Cruz a pasa man pa bleki di verf y kwashi, y a duna e.o. tubonan di veld di basketball, murayanan den gym, piso di speelplaats, basketball veld, mini veld di futbol, cura di hero, y mas un touchup bon mereci.

   Na final di e evento, e personal di WEB Aruba NV tabata hopi orguyoso cu e resultado di nan trabao, y sigur e alumnonan tambe a keda hopi contento cu e bunita cambio cu e scol a haya, y cu sigur ta impulsa e alumnonan pa sigui haci nan best.