Centro di Bario Noord a presenta charla tocante historia di nos lenga Papiamento

ORANJESTAD (AAN):  Awe 21 di februari, UNESCO a proclama como un dia pa promove diversidad lingüístico y enseñanza multilingual

y tambe conscientisa e comunidad riba e importancia di enseñanza di nos lenga materno.

            Relaciona cu e día aki  Centro di Bario Noord a invita Ramon Todd Dandare Mag.Ling pa presenta un charla relaciona cu e historia di nos lenga Papiamento.

            E ta un bunita momento unda netamente e persona cu a duna e charla pa inicia e celebracion aki 25 anja pasa, ta esun cu a duna e charla aki na e comunidad di Noord diamars ultimo.

            E interes di habitante di Noord tanto di edad avansa como hoben a haci acto di presencia unda interactua riba diferente pregunta e anochi aki. Un historia cu ta bale la pensa ripiti, segun esnan cu a presencia e charla aki a duna di conoce.

            Centro di Bario Noord, e prome centro di bario na Aruba, su programa leider sra Ligia Roza ta trahando riba diferente programa pa asina trece esaki nan bek den e pueblo di noord. Sra Ligia ta gradici sr Gregory Mathilda pa su asistencia pa por a logra e evento aki.

            Un centro di bario hopi activo unda ta organiza eventonan social, cultural, deportivo pa henter e bario.

            A pesar cu ta den pleno celebracion di carnaval, pa cua Centro di Bario tambe ta yuda organiza y participa, nan no a laga e oportunidad aki pasa bay sin percura pa duna e atencion special aki y haci eventonan educacional pa e bario. 

            Dia di nos lenga materno awor tin mas atencion pa habitantenan di Noord. Pabien Centro di bario Noord y ta spera di por continua cu e charlanan aki.