Coronacion di reinanan pa Parada di Mascarada di Savaneta

ORANJESTAD (AAN): Recientemente a tuma lugar coronacion di reinanan, relaciona cu e Parada di Mascarada.

Segun presidente di Fundacion Savaneta, Norman Thijsen, e evento Parada di Mascarada a tuma lugar pa prome biaha aña pasa y mirando cu un parada tin mester di sigur su reinanan y un brass band, e idea a landa pa corona reinanan y lanta bek Savaneta Brass Band.

E aña aki mescos cu aña pasa tin 4 reina, esta Señora Carnaval, Reina Grandi, Reina Hubenil y Reina Infantil.

Nan tur lo participa na e Parada di Mascarada na Savaneta riba 14 di Februari.

E parada lo sali for di warda di polis di Savaneta pa 8or di anochi.

Thijsen a haci un invitacion na tur club social y deportivo pa uni na e parada aki cu ta bay tuma lugar pa di dos aña, unda cu Savaneta completo ta bay ta riba caya.

E reinanan cu a wordo corona pa 2025 ta:

Elsa Beaujon-De Kort, Jazira Isis Hyacinth Frans,  Skyrah Zinnia Arends y Carolyne Alessandra Sophia Kock

E reinanan di 2024 ta:

Aurelia Croes, Leancy Brete, Miah Croes y

Kayleigh-Ann Arendsz.