Cendemento di luznan blauw ta pa concientiza comunidad y pa compromete evita abuso di mucha

Directora di Bureau Sostenemi, Magaly Maduro:

ORANJESTAD (AAN) – Den entrevista cu DIARIO, señora Magaly Maduro, directora di Bureau Sostenemi, a menciona cu no ta den e mayoria di casonan di abuso di mucha, e mucha ta lanta cu problema di salud mental. E no tin cifra cuanto caso tin pero su deseo ta pa yega na haya cifra.

            Señora Maduro a subraya cu si atende trempan cu e problema y duna e mucha e guia necesario, y na e mayornan e hermentnan necesario pa nan traha na dje. “No necesariamente e mester bira un problema di salud mental. Pero esnan cu bo ta ripara desde un comienzo, hopi trempan, cu e por tin e problema aki a largo plazo, eseynan nos mester tin cuidao cu nan”, señora Werleman a comenta.

            El a expresa e famoso frase “preveni ta miho cu lamenta”, pa evita maltrato emocional, fisico y abuso sexual di mucha. “Si mayor por evita cu su yiu saca potret cu menos paña na curpa, y cu e por gebullying riba esey, si nos por papia cu e menornan prome cu esaki sosode lo ta fantastico. Nos tin basta fundacion cu ta traha riba prevencion, anto nos mester sigui stimula nan, pa nan por sigui haci e parti aki”, Directora di Fundacion Sostenemi a señala.

            Maduro a elabora riba e cendemento di luz blauw cu a tuma lugar Diabierna cu a pasa, cu ta un yamada pa concientizacion, y a bisa cu tur dia ora e wak nan e lo compromete su mes na evita abuso di mucha.

            Riba potret algun potret di e ceremonia di cendemento di e luznan blauw door di Gobierno di Aruba, na unda Prome Minister a hiba palabra.