WILLEMSTAD: Informacion ricibi den fin di siman, ta indica cu e conocido ciudadano di Curaçao, esta Chaco Castro a fayece.
El a perde lucha cu e tabatin pa algun tempo caba pa su salud. Diasabra cu a pasa el a bay sosega.
Lamberto ‘Chaco’ Castro a cuminsa como periodista ta laborando na 1967 na e popular emisora Radio Hoyer na e isla di Curaçao. El a labora eynan pa casi 45 aña largo, te cu el a finalisa na November 2011.
Despues di esey, na April 2012 el a cuminsa ta haci trabao di locutor di noticia na Radio Direct, cu tabata un emisora nobo na e isla. E tabata wordo mira como e periodista cu mas aña activo den produccion di noticia na e isla, y tabatin admiracion di pueblo pa su forma skerpi di duna noticia, su abundancia na fuente pa noticia. Lamberto ‘Chaco’ Castro tin 78 aña di edad.
