ORANJESTAD (AAN): En general e resultadonan positivo di e servicio di ‘Telefon pa Hubentud’ ta logrando na Aruba, a hasta traspasa frontera.
Esnan di Aruba a hasta yuda y lanta un servicio similar na Islanan Ariba.
Mirando e importancia pa asina e hobennan tin un caminda pa yama, ora tin necesidad pa wordo scucha y kizas haya un conseho, esnan encarga cu Centro Deportivo Franklin Bareño na Piedra Plat ta hopi conciente di e bon trabao di Telefon pa Hubentud ta desplega pa e futuro generacion na Aruba.
Esey hunto cu e hecho cu tur dia ta masha hopi hoben ta acudi na e lugar aki, sea pa haya les, pa haci ehercicio, train futbol of otro deporte, e momento a yega recien cu e propietario di dicho compleho Franklin Bareno y su asistente, riba Diasabra cu a pasa a manda a pega dos borchi promocionando e servicio di Telefon pa Hubentud.
Aki por mira esnan encarga cu e Centro Deportivo, preparando pa one un di e borchinan net na entrada di e compleho deportivo aki.
