Celebrando awe 10 aña existencia di Hotel RIU Palace Antillas  

Un decada di excelente bon servicio na turismo

ORANJESTAD (AAN): Tabata riba un Diasabra 11 di October 2014, cu na un forma di ceremonia a habri cu hopi exito su portanan pa turismo, e Hotel RIU Palace Antillas na Palm Beach.

   Dirigi na comienso door di sr. Richard Velasco, y despues na 2015 a sigui cu sr. Juan Blanco na mando te na Januari 2021, y e ora Luis Fuentes a tuma e timon over y a sigui te Augustus 2024.

   Hotel RIU Palace Antillas ta celebra un decada di hopi bon servicio na turismo internacional, y por bisa cu e nomber di RIU Antillas ta reconoci rond mundo pa e bon experiencia, bon opinion, y super atencion cu e famia di empleadonandi e Hotel aki a duna riba internet y social media.

   Awendia, Hotel RIU Palace Antillas ta bao direccion di sra. Maria Dominguez Sánchez, un persona hopi sabi den mundo di turismo.

   DIARIO ta manda palabranan di pabien na Hotel RIU Palace Antillas pa e decada di servicio exitoso na turismo di Aruba.