Celebrando 202 aña di Independencia di Peru cu parada di auto

ORANJESTAD (AAN): Riba Diadomingo, e residentenan Peruano na Aruba a observa e hecho, cu nan pais di origen a celebra su 202 aña di independencia. 

Y nan a haci esaki cu un bunita parada di auto.

   Nan a core rond di e isla cu tur e autonan decora na cora cu blanco.  E salida tabata La Granja Savaneta, y a start cu un brindis pa tur esnan presente.

   Durante e parada, nan a haci 5 stop, unda nan lo bay parti premio y a bin cu varios sorpresa pa e participantenan.  Nan a duna premio pa e.o. e auto of vehiculo mihor decora.

   Nan a core Santa Cruz, Paradera, Noord, y a finaliza riba e parkinglot di Servicio Postal na Playa.