Diabierna atardi lo bira placentero disfrutando di Tapas

ORANJESTAD (AAN): Awor cu e propiedad di Tierra del Sol ta pertenece na e compania multinacional Iberostar di Spaña,

ya caba por nota cambionan cu ta wordo haci den forma di crea ideanan nobo pa comunidad local por topa otro, combersa, y come platonan delicioso.

   The Restaurant na Tierra del Sol a invita DIARIO y demas prensa, pa experiencia un tiki di nan presentacion di tur Diabierna atardi, esta ‘Tapas Affair’ unda lo bay sorprende clientenan cu un fusion placentero di sabor, y cu bista fenomenal di bahada di solo.  Clientenan por sinta come sea paden of pafo, di e.o. tapas di Ceviche, Tuna Tostada, Balchi Pisca, Picanha, Gyoza, Balchi, y mas crea pa chef Reginald Brete.

   Tanto Emilio como Jorge y Shaqcedy, y tambe Ghislaine y Dominique a splica na DIARIO cu e lugar lo bay bira e hang out spot tur Diabierna atardi.