ORANJESTAD (AAN): Como un luna mas pa bay, pa e seminario yama “Adaptando na Cambio - Reforsando mente, transformando bida".
E seminario “Embracing Change” lo bay ta riba Diabierna 1 di september venidero pa 9:00 am na Gloria Imax Theater. E organisacion Women’s
Club of Aruba tin prepara un seminario pa recauda fondo titula “Embracing Change, it’s coming your way” (Adaptando na cambionan cu ta na caminda).
E seminario lo wordo presenta na Ingles pa varios orador y panelista inspirado, cu lo comparti conocemento valioso tocante sostenibilidad, inteligencia emocional, inteligencia cibernetico, y mas topico positivo. E seminario aki ta pa nos inspira nos mes pa keda innova continuamente y adapta nos mes na cambionan cu ta na caminda!
Entrada “Early Bird” pa e seminario ta $100 (esta 180 Florin) y ta inclui lunch te cu dialuna 31 di juli. Despues di esaki e prijs ta bira $120 (esta 216 Florin).
E entrada di e charla ta pa recauda fondo pa por cubri gastonan pa e organisacion por haci varios proyecto social manera entre otro e proyecto anual “Dress a Child” den luna di december, “Student Award”, cu ta honra e miho graduadonan di tur tipo di scol secundario, eventonan social pa hende grandi y hopi mas.
Women’s Club of Aruba ta existi pa 89 aña na Aruba y ta un organisacion sin fin di lucro, y multifacetico dedica na mehora comunidad.
Pa join e seminario aki por cumpra ticket di entrada via Pay.aw of registra riba nan website na www.womensclubofaruba.org/seminar-2023.
Asina bo registra, bo lo haya un e-mail di confirmacion pa haci pago. Si a paga caba, por manda nan bo registracion cu prueba di pago na: This email address is being protected from spambots. You need JavaScript enabled to view it..
Pa mas informacion tocante ticket por yama 593-6018. Pura, e ticketnan ta bayendo rapido!
