Celebracion di Pasco di Mustang Club Aruba

ORANJESTAD (AAN): Celebracion di Pasco di Mustang Club Aruba a tuma luga na Marina Pirata cu  tremendo menu y un bon servicio.

Presidente di MCA, señor Leomar Croes a gradici tur presente cu e bin celebra, y a probecha na duna reconocimento na e miembro mas activo pe aña 2024, cu ta Chito. Tambe ta reconoce miembro di directiva,  Joselyn Ras.

Karina Tromp a sali ganador di e rifa di Mustang Club Aruba.

Durante aña 2025, MCA lo ta bay ta mas activo y ya ta avisando nan miembronan pa prepara pa ride riba  25 di Januari.