Celebracion di hubileo y entrega di certificado na Cuerpo Especial Arubano  

ORANJESTAD (AAN): Den un ambiente di gratitud y union, Minister di Husticia, mr. drs. Arthur Dowers,

a asisti na un celebracion special na oficina principal di Cuerpo Especial Arubano (CEA). E celebracion tabata dedica na honra y reconoce varios miembro di CEA cu a dedica hopi aña di nan bida na servicio y bienestar di nos comunidad.

            Durante e celebracion, Director di CEA, Sr. Richard Kramers, hunto cu Minister Dowers y demas coleganan di CEA, a rindi homenahe na cinco empleado ehemplar cu a cumpli un impresionante cantidad di aña di servicio di pais Aruba.

            Ta trata di: Edgar Flanegin (35 aña), Alvin Oduber (30 aña), Robert Maduro, Sigfried Tromp y Hubert Vrolijk (25 aña)

            Ademas di e celebracion di hubileo, a celebra cu 12 empleado di CEA a ricibi nan certificado di Hulandes, despues cu nan a completa un curso intensivo cu exito. E curso a cuminsa na november 2024 y termina na mei 2025, bao di guia di Señora Shirley Pope.

            E empleadonan cu a demostra esfuerso y perseverancia den nan desaroyo personal y profesional ta: Sr. Bustillos, Señora M. Kock, Sr. Simmons, Sr. Cranston, Sr. de Cuba, Sr. Kock, Sr. Ras, Sr. Albertus, Sr. Oehlers, Sr. Dijkhoff, Sr. M. Orman, Sr. R. Orman, Sr. Martijn, y Sr. Enser.

            Minister Dowers a expresa su profundo aprecio pa e dedicacion continuo di e miembronan di CEA, y a enfatisa cu e tipo di dedicacion cu nan ta demostra ta fundamental pa mantene un cuerpo ehemplar.

E celebracion a finalisa den un ambiente cordial y ameno, reforsando e balor y compromiso den e institucion.