Celebra e di 5 aniversario di Carlos na Super Do It Center

ORANJESTAD (AAN): Un momento alegre a presenta su mes na Super Do It Center na Shaba,

ora cu a bay felicita un empleado kende a recorda cu 5 aña pasa el a drenta den servicio di e compania.

   Ta trata aki di Carlos Mira Zapata, y gerencia a felicit’e pa su 5 aña di dedicacion, crecimento, y exito.  Nan a splica cu Carlos su trabao duro y pasion a inspira tur demas trahador.

   El a ricibi un bunita plaquette y e acostumbrado envelop.  Su coleganan a bay para hunto cu ne pa saca potret tambe.