Celebra 18 di maart na Klooster Imeldahof

ORANJESTAD (AAN): Fundacion Kapel di Bethania – FKB, ta habri portanan di Klooster Imeldahof pa henter pueblo di Aruba riba ‘

Dia di Himno y Bandera’ 18 di maart for di 9:00 am pa 2:00 pm. Un y tur lo tin e posibilidad pa haya experencianan varia riba e dia di celebracion aki.

            Actualmente e hobennan boluntario di FKB a traha riba un bunita exposicion temporario cu e titulo ‘Vestuario Liturgico’. Specialmente riba e dia aki lo por haya un guia di e  hobennan. Por pasa y haya informacion di e exposicion ‘ Historia parokia di Noord’ y admira e Kapel di Behtania, cu ta e unico kapel di e estilo monastico cu tin na Aruba den su forma original.

            Musica lo ta den encargo di amigo boluntario di FKB, Igmar Maduro unda  algun participante di e festival di ‘un canto na nos Himno’ lo hasi nan presentacion.

            Lo tin oportunidad pa registra como boluntario pa esnan cu ta interesa pa yuda cuida y conserva e edificio monumental.

            Fundacion Kapel di Bethania ta invita henter pueblo di Aruba pa bin pasa un rato placentero cerca nos, disfrutando y siñando di nos historia y cultura.