CEDE Aruba a organisa varios training en conexion cu Proyecto Barionan Unico

ORANJESTAD (AAN):  Den cuadro di e proyecto BARiO UNICO, CEDE ARUBA a organisa su prome training specialmente diseña pa miembronan di bestuur di e centronan di bario cu ta forma parti di e proyecto di BARiO UNICO.

  E invitacion a wordo extendi tambe na e programmaleiders di e centronan di bario y algun otro fundacion.

            Centronan di bario cu ta forma parti di e proyecto ta:, Centro di Bario (CdB) Dakota, CdB Brazil, CdB Lago Heights, CdB Santa Cruz, CdB Piedra Plat, CdB Savaneta, CdB Ayo, CdB Noord, CdB Playa Pabao, CdB Tanki Leendert y Centro Famia Piedra Plat.

            E prome training aki a tuma luga e dianan 10-12-17 y 19 di october na Universidad di Aruba. Pa otro aña lo sigui cu mas training, caminda lo bay den mas extenso riba cierto temanan.

            Un gradicimento special ta bay na tur e facilitadornan cu a haci e training aki posibel. Danki na nan colaboracion por a ofrece un training sumamente interesante, necesario y specialmente pa cu e centro di bario. Participantenan a keda bon informa, motiva, inspira y cu hopi energia pa por sigui brinda yudansa na e barionan. E participantenan di e training a mustra interes pa mas training.

            Tambe ta gradici tur e participantenen y Universidad di Aruba cu a pone un lokaal disponibel pa cu e training.

Siguientemente e topiconan cu a keda trata y e facilitadornan:

10 di october

Informacion CEDE – BARiO UNICO.

Habriendo caminda pa desaroyo di comunidad

Sr. Daniel Tecklenborg, director CEDE ARUBA.

Posibilidad di financiamento via CEDE ARUBA.

Sra. Samantha Daal-Lacle, Project Coördinator CEDE ARUBA.

12 di october

Good Governance – Codigo di Good Corporate Governance y su efecto pa un fundacion/Centro di Bario.

Sr. José M. (Jossy) Laclé, Voorzitter Comision Good Corporate Governance.

Begrotingscyclus – Ciclo di presupuesto. E importancia di un presupuesto pa Pais Aruba, pero tambe pa un fundacion/Centro di Bario.

Sra. Mary Ann de Jong-Curet, Secretaris - Algemene Rekenkamer,

17 di october

Belasting – Con impuesto ta relata y ta regla pa cu e fundacion/Centro di Bario.

Departamento di Impuesto

Sra. Johrainne Lacle-Giron, Controlemedewerker en Change Mgt.

Sra. Lisandra Lacle – Heffingsmedewerker

Sra. Angeline Giel – Waarnemend chef

Datonan interesante y disponibel pa e centro di bario.

Centraal Bureau voor de Statistiek

Sra. Desiree Helder - Hoofd Afdeling Sociaal-demografische Statistieken.

Sra. Monique Plaza-Maduro - Bevolkingsstatistieken

19 di october

Social-Economic Impact – Kico esaki ta y con e ta impacta nos barionan

MGM Source

Sra. Marielsa Croes, Managing Partner

Sra. Mw. Mendy Wever, Partner

E importancia di mercadeo.

Sr. Patrick Melchiors, Destination Services Manager - Aruba Tourism Authority

            Meta di e Proyecto BARiO UNICO ta pa reinforsa e centronan di bario, pa nan ta mas duradero y sostenibel, pa asina nan por sigui brinda yudansa den e barionan. Nan so no por carga e peso y responsabilidad aki. Nan mester di yudansa di nos tur.

            Ta pesey tambe ta manda un invitacion na tur instancia, habitantenan di Aruba pa ta parti di e movimiento di Community Building aki. Check cu e centro den bo bario con bo por yuda, participa na nan actividadnan, bira boluntario.

            Community building ta un responsabilidad di nos tur. Ban uni forsa pa yuda e barionan di Aruba.

            Pronto BARiO UNICO conhuntamente cu e Centronan di Bario lo inaugura nan website cu lo brinda mas informacion tocante e proyecto y e centro di bario.