Carnaval di San Nicolas cu algun body-piece fenomenal

ORANJESTAD (AAN): Pa Carnaval 71 ta parce cu e toque di beyeza y perfeccionismo riba e body-piece di diferente Carnavalista a sobresali grandemente.

  Nan tabata luci riba e ruta durante Carnaval di San Nicolas, y publico tabata haya un bista formidabel di cada uno di nan.

   Sin duda alguno, palabra di pabien na e lidernan di e.o. TOB Carnival Group, Dushi Carnival Group, Royal Carnival Group, Los Laga Bai Carnival Group, OPC Carnival Group, Aruba Tourist Carnival Group, Champagne Carnival Group, Colours Carnival Group, y Empire Carnival Group cu a haci e Carnaval bira uno cu ta blink y briya tur caminda.

   Pueblo a keda papia henter weekend di e bunita body-piece cu a resulta fenomenal durante parada.  E ta demostra cu nos pueblo tin hendenan hopi creativo, agil, y master den traha disfraz pa Carnaval.  E ta un experiencia adkiri danki na 71 aña di experiencia.