Caribbean Mercantile Bank ta entrega un donacion na Stichting Ambiente Nobo

ORANJESTAD (AAN): CMB ta entrega un donacion na Stichting Ambiente Nobo,

cu ta dedica su esfuerso pa crea un espacio miho pa nos adulto mayor cu tin limitacion. E fondo a wordo recauda durante e Urataka Run cu CMB a organisa na cuminsamento di e aña. 

Pa CMB e ta esencial pa sigui duna bek na nos comunidad. E donacion aki lo yuda Stichting Ambiente Nobo cu nan necesidadnan pa sigui traha un ambiente sigur, stimulante y digno pa nan clientenan cu tin retonan.

CMB sigur ta orguyoso cu, door di nan esfuerso di e evento deportivo, nan por contribui na un causa asina importante. E compromiso di Stichting Ambiente Nobo ta fuente di inspiracion y CMB ta honra di por apoya nan mision.

Un danki na tur participantenan di Urataka Run 2025 pa nan apoyo.