Cantidad di fayecidonan relaciona cu COVID-19 a aumenta na 153 cu morto di 2 residente

For di comienso di Juli, 45 persona a perde e bataya contra e virus - ORANJESTAD (AAN):  Segun resumen di diaranson, 43 persona a recupera y un total di 42 caso nobo di COVID-19 a keda registra cual 2 ta no-residente y 40 ta residente.

E cifranan aki ta representa un 'Positivity rate' bou di residentenan di 18%. E cantidad di casonan activo di COVID-19 ta 477 y cantidad di fayecidonan relaciona cu COVID-19 a aumenta na 153 cu morto di 2 residente cu tabata interna den hospital na Aruba. Forsa na famia di e fayecidonan.

Datonan ta ilustra casonan nobo di COVID cu un average semanal di 42 caso pa dia y un averahe di 'positivity rate' semanal di 20% pa dia.

Actualmente na Aruba tin 36 persona interna debi na COVID di cual 10 ta den ICU y 26 riba piso general y na Colombia tin actualmente 24 persona den Cuido Intensivo. 

DATONAN:

For di comienso di juli cu DELTA a haci su introduccion na Aruba por observa cu lamentablemente 45 persona a perde e bataya contra e virus di COVID-19 di cual 7 tabata vacuna y 38 no tabata vacuna.

Den e graficonan adhunto por observa e cantidad di fayecidonan y nan respectivo edad na momento di nan morto desde comienso di juli 2021.