E animalnan aki ta worde contagia cu Covid 19 y por pase over pa hende
ORANJESTAD (AAN) – Den un declaracion oficial, Gobierno di Hulanda a anuncia cu tur e animalnan di lana, conoci como Vison (Nertsen) ta prohibi na Hulanda, pa motibo cu nan ta trece contagio di coronavirus. Manera ta conoci e lana di e animalnan aki ta worde uza pa traha jacket di Mink.
Tur compania cu tin e animalnan aki como criadero awor ta bashi, y a implementa e ley aki di prohibicion te na aña 2024.
Segun decision di Gabinete riba conseho di Outbreak Management Team Zoönosen (OMT-Z), cu e animalnan aki por pasa e virus over pa hende.
E doñonan di e criaderonan aki lo ricibi compensacion di gobierno Hulandes, pa motibo cu nan a stop tres aña prome. Gobierno a reserva 160 miyon di Euro.
Pero, e doñonan lo no ricibi full compensacion pasobra un parti ta cay bao di risico pa e doño mes. Ya caba gobierno a reserva 32 miyon Euro pa desmantelacion di e criaderonan aki y otro gastonan.
Riba dos granha tabata tin dos trahador cu a worde contagia. Nan tabata traha cu e animalnan aki sin cu tabata sa cu nan a contagia cu e virus; e tempo ey, no tabata tin ningun conseho pa cuida for di e animalnan aki.
Despues di cinco contagio, un investigacion profundo a tuma lugar riba e animalnan menciona, y nan riesgo di contagio pa e vecindario.
