Campeonato Mens Erger Je Niet ta cuminsa dia 22 di april den Centro di Bario Brazil

Awe ta ultimo dia pa confirma participacion

ORANJESTAD (AAN): Diaranson dia 5 di April ta e dia pa confirma participacion di gruponan, di 6pm pa 9pm na Centro di Bario Brazil, pa e campeonato 2023.

Ariba e fecha aki tur grupo ta haya nan fecha y color cu nan mester bisti pa nan prome wega di Mens Erger Je Niet.

E campeonato ta cuminsa dia 22 di april den Centro di Bario Brazil

Dia 22 di April pa 7:00pm ta apertura di e 15 Aniversario di Mens Erger Je Niet. Y ta pa e motibo aki ta bay tin un ambiente alegre, pues un tremendo JUMP UP (pafo) direccion pa entrada di CBB. 

Despues na e entrada den CBB cada grupo mester drenta mescos cu e desfile di tur aña, caminda nomber di cada grupo ta wordo menciona etc. Corda bin cu algo pa indentifica bo grupo for di leu, p.e. bandera, banner, borchi etc.