Taekwondo Team Aruba ta bay parti mangel di Pasco Grandi

ORANJESTAD (AAN): Diasabra dia 8 di April e atletanan di Taekwondo Team Aruba ta bay ta ariba e brug di Renaissance ta colecta y ta bay duna e muchanan cu pasa den auto mangel di Pasco Grandi, tanten cu tin den stock.

   E atletanan di Taekwondo Team Aruba ta colecta pa e biahenan cu tin dilanti porta. Monica Pimentel ta coach di Taekwondo Team Aruba y ta determina cu ta Korea e kier bay.

   Monica Pimentel kier bay train na Korea cu ta e Pais di origen di Taekwondo pa asina train duro pa prepara pa e proximo evento. Si bo kier aporta na Taekwondo Team Aruba, por haci esaki den e botin di e atletanan. Cada atleta ta colecta pa nan biahe.

   Taekwondo Team Aruba su colecta no ta bay worde gasta den casino of pa paga coriente, awa of huur di cas of haci compras. Cada depchi cu worde colecta door di e atletanan ta bay pa nan mes y ta cubri nan biahenan.

   Taekwondo Team Aruba ta desea Pueblo un Siman Santo di Reflexion y Felis Pasco Grandi. Danki pa confia semper den Taekwondo Team Aruba, danki di antemano pa boso contribucion y te cu diasabra.