Calidad halto di cancion y ambiente inolvidabel durante Caiso & Soca Monarch 2025

ORANJESTAD (AAN): Manera practicamente tur aña ta e caso tin hendenan den comunidad cu ta cuestiona cierto resultado di e Caiso & Soca Monarch,

pero un di e comentarionan cu mas a resalta ta cu e contest tabata uno cu masha hopi ambiente mes.

            Publico di berdad a disfruta, apesar cu tabata tin algun cancion cu diferente hende tabata kier wak den e finalistanan, cu no tabata tey.

            Varios di esnan cu tabata presente den Carnival Village a laga sa cu Diasabra anochi tabata un competencia di calidad, unda cu tabata tin un mezcla di tur tipo di cancion, dushi na nan manera.

            E 30 cantantenan cu a presenta nan cantica a haci lo maximo pa entretene publico, pa purba haci nan cancion bira esun mas gusta riba e anochi.

            Mirando e comentarionan tur caminda riba social media, e paradanan di Carnaval 71 ta bay ta yena cu cancionnan cu publico ta bay disfruta di dje.