Buzonan di Marina a start cu recuperacion di barge grandi den haf di Bullenbaai

WILLEMSTAD: Buzonan di Marina Real a cuminsa cu un operacion impresionante pa recupera un barge (yama tambe ‘ponton’) enorme cu a sink,

y cu tabata dificulta cu barconan mas profundo por a pasa den e waf na e isla den cerkania di Refineria.

   E ponton, 30 meter di largura, 10 meter di hanchura y 2,5 meter di haltura, ta riba un profundidad di 8 meter y  no por worde hisa den su totalidad, pa motibo di su peso inmenso, y ta keda na pida pida bao di awa.

   E buzonan di Marina, cu a bini Curacao pa entrena diferente habilidad di buseo, a dicidi di combina un ehercicio cu haci algo back pa e comunidad. Aña pasa nan a cuminsa cu e operacoon, pero hopi trempan tabata bon cla cu tabatin necesidad di ekipo mas pisa, pa motibo di circunstancianan imprevisto bao di awa, pa termina e tarea. E aña aki nan a bolbe bek, mihor prepara cu e material corecto y e experticio cu tabata necesario.

   Dialuna y Diamars nan a haci un gran avanse, door di trece, cu yudansa di un grua, e prome dos pidanan di ponton na superficie. Esaki ta un logro importante den e proceso.  Siguientemente e sobra tres pidanan ta keda recuperá for di awa uno pa uno.

   Ademas di e esfuersonan na Bullenbaai, e buzonan di Marina a haci uso di Caracasbaai como lugar pa train pa sambuya den profundidad.