ORANJESTAD (AAN): Recientemente, Minister di Enseñansa y Deporte Endy Croes a reuni cu Señora Viola Heutger cu ta e rector actual di Universidad di Aruba.
Señora Heutger a entrega Minister Endy Croes un bunita buki Sagrado Secular y ta trata di e historia completo di e Universidad di Aruba di tempo cu el a worde funda te cu awo.
Banda di esaki, a entrega un Jaarrekening di Universidad di Aruba y a cumpli cu diferente aspecto di esaki. Desde e luna di november Señora Heutger no lo trahando mas como rector di Universidad di Aruba y Minister Endy Croes a gradicie pa e añanan cu el a traha como rector na Universidad di Aruba.
Durante e reunion, Señora Heutger a duna algun conseho pa Universidad di Aruba y a indica cu e lo keda den contacto pa algun proyecto cu e ta desea di termina y a pidi e mandatario di Enseñansa pa sigui atende cu esakinan debidamente pa por realisa e bunita proyectonan aki.
Finalmente, Minister Endy Croes ta desea Señora Viola Heutger hopi exito den su futuro carera.
