Presidente di Parlamento Edgard Vrolijk:
ORANJESTAD (AAN)- Presidente di Parlamento, mr. Edgard Vrolijk, den entrevista cu DIARIO a menciona cu dia 19 di December, cu ta djey p’ey ta e ultimo dia di trabao di Parlamento, y te ainda tin tres ley pendiente pa atende cu ne. Pero como tur cos ta riba schedule, Parlamento ta traha eficiente y na ora. Asina el a splica.
El a bisa cu na momento cu November habri, den e prome siman, dia 6 ya ta bay tende cu lo tin e reunion di “Criminaliteit Fonds”, Algemene Wet Aruba Bestuursrecht, Ouderschapsplan cu ta un ley cu tabata tin para y cu a keda cla por fin, y despues ta start cu e presupuesto di Parlamento, ARA, y wardando e contestacion cu e presupuesto yega, naturalmente e supletorio tambe tin cu drenta den e di dos siman, mi ta calcula, di November pa calcula e proceso tentativo y e siman di dia 20 por cuminza cu e presupuesto terminando e proceso di e supletorio, pa asina aki scors durante esey y purba keda cla prome cu fin di luna, si no ta e prome siman di December lo termina cu presupuesto y tur e otro begrotingnan pendiente, y dos ley cu mester por drenta ainda cu ta esun di DOW y tambe uno cu, segun Vrolijk esun di riolering, e “Waterzuiverings plant” di Bubali cu ta urgente tambe, pero tin cu cana su proceso.
Presidente di Parlamento a subraya cu na momento cu e presupuesto supletorio drenta, tur cos ta bay cuminza move, kiermen, di aki pa December practicamente casi tur dia lo tin reunion publico, pasobra e manera con a bin atende cu presupuesto ta nan ta traha te cierto ora; envez kizas di bay un siman, ta bay dos of tres dia extra p’asina ey tur hende haya espacio, no solamente parlamentario pero tambe esnan cu ta traha na Parlamento, por tin mas trankilidad y por traha mas eficiente tambe. “Kiermen, nos ta atende cu nos pasenshi pero debi cu tur cos ta na schedule, nos ta termina trempan y na ora”, Presidente di Parlamento Edgard Vrolijk a duna di conoci.
