Bunita recepcion di despedida pa Tanja Fraai di WeConnect

ORANJSTAD (AAN): Informacion di Den Haag ta indica cu na De Nieuwe KHL a tuma lugar un recepcion pa tuma despedida di Tanja Fraai di WeConnect.

Tanja ta bay laga WeConnect despues di 12 aña como “programma manager”. Un delegacion di Gabinete di Aruba a entrega Tanja un regalo, como recuerdo y aprecio pa e bon cooperacion entre Gabinete di Aruba y WeConnect y en especial su persona.

   Durante e programa di e anochi a repasa momentonan di Tanja y WeConnect. Desde cu a funda WeConnect, con esaki a bay y e sosten den e prome añanan. Tambe personanan clave cu a traha cu Tanja a conta nan relacion y experencia cune como programma manager di WeConnect. Nan a papia con di cerca a mira WeConnect crece como fundacion y haya reconocimento di partnernan importante manera  Ministerio di Enseñansa di Hulanda y Ministerio di BZK.

   Durante di e anochi tambe a tuma lugar e presentacion oficial di e successor di Tanja cu ta Pam Evertsz.  E potretnan aki ta pa cortesia Gabinete di Aruba na Den Haag.