Bunita Parada di Fantasia riba Diadomingo atardi na San Nicolas

ORANJESTAD (AAN): Diadomingo atardi a tuma lugar na San Nicolas, e tan spera ‘Parada di Fantasia’ pa mucha y hobennan. 

Tur hende cu petchi of sombre riba cabes, y parasol poni na banda.

   E parada a cuminza 2:00 pm net na cruzada banda di Museo di Industria, y a bay zuid.  Ya pa 3:45 pm e cabez tabata na cruzada di Julio’s Bar.  Pa 4:05 pm el a yega na cruzada di Pacifico Restaurant, y a yega final na Joe Laveist Sportpark pa 5:15 pm.

   Un biaha mas, e gruponan a percura pa muchanan a presenta cu yen di fantasia riba caminda, y e animacion musical tabata fenomenal.  Publico presente a goza un mundo di esaki.

   Gruponan cu a participa tabata Centro di Bario Noord, TOB Kids, Empire Kids Carnival Group, Unity Carnival Group, Little Groovers Carnival Group, Don Flip Carnival Group, y Champagne Kids Carnival Group.

   A mira grupo di Quota International Aruba cu tabata bende earplugs pa 30 aña caba den nan existencia.  Aunke gruponan musical a busca forma pa evita cu nivel di musica a sobrepasa 85 dB pa cumpli cu ley na Aruba.