Bunita mural traha na Scol Basico Xander Bogaerts

ORANJESTAD (AAN): Esaki si ta algo bunita!  Durante e fin di siman di Aruba Doet 2022, esnan di Scol Basico Xander Bogaerts na San Nicolas a haya un bunita regalo.

   Probechando di e weekend impulsa pa boluntarismo, e mayornan di e alumna Nimah Withfield, a yega cu nan kwashi y verf, y a crea un bunita mural riba speelplaats di e scol.

   Cu tur nan pasenshi, Tivon y Nicole a tuma nan tempo pa asina crea e bunita bista aki cu sigur ta bay haya un monton di admiracion e siman aki di e alumnonan di scol.  DIARIO a compronde cu e docentenan mes a keda hopi contento cu esaki.