ROTTERDAM: Douane na waf di Rotterdam durante un control e siman aki, a bin topa cu un cargamento di 400 kilo di cocaina, scondi meymey di cahanan yena cu regalo procedente di Suriname.
E droga tabata poni den un container cu tabata yena cu regalonan cu a wordo manda for di Suriname, segun Ministerio Publico a divulga siman pasa.
E balor riba caya di e droga aki ta como 30 miyon Euro. Apart di esey, Douane a haya un otro cargamento di 3,5 kilo di cocaina , y esey tin balor di 262.500 Euro.
Ya caba nan a destrui e droga, y awor Polisnan hunto cu Ministerio Publico ta sigui cu e investigacion.
