Bunita celebracion di Zomercarnaval di Rotterdam

ORANJESTAD (AAN): E ciudad di Rotterdam un biaha mas tabata anfitrion di e Zomercarnaval 2026.

Na stadhuis di Rotterdam a tuma lugar den presencia di burgemeester di Rotterdam Carola Schouten un recepcion pa invitadonan. Kabinet di Aruba na Hulanda a keda representa na e ocacion aki pa Sidney Kock, kende ta relacionista publico.

   Den e sala burgemeester Carola Schouten a acentua den su discurso e aspecto cultural di Zomercarnaval cu ta un herencia mundial di UNESCo. Tambe e burgemeester a gradici tur esnan cu a contribui pa mas cu 40 aña na haci e evento aki posibel. Un evento segun Schouten cu ta unifica e diferente culturanan na Rotterdam y tambe ta un expresion di pasion y creatividad. Tambe burgemeester Schouten a bisa cu e Rotterdam Unlimited Zomercarnaval a ricibi e aña aki e ouvre prijs di Rotterdam como reconocimento pa e contribucion enorme di e evento na e imago di Rotterdam como un ciudad incluso, creativo y energico.

   Despues e invitadonan por a mira e parada for di un podium dilanti di Stadhuis.  E potretnan ta cortesia di Kabinet di Aruba na Hulanda.