Bunita celebracion di Independencia di Venezuela den Centro di Bario Brazil

ORANJESTAD (AAN) – Ta un tradicion na Aruba, cu e residentenan Venezolano ta celebra nan Fecha di Independencia, cu ta worde conmemora e 5 di Juli, na Plaza Libertador Simon Bolivar.

Por corda cu aña pasa, debi na e pandemia, e celebracion tabata masha cortico, y e aña aki, el a worde celebra Diadomingo, den Centro di Bario Brazil, na unda tabata tin baile, harpa, y gastronomia, no di e Republica Bolivariano di Venezuela so, pasobra nan tin integrantenan di diferente nacion, diferente nacion, manera Aruba, Colombia, Republica Dominicana, Suriname, Portugal, entre otro diversidad di cultura y pa e dia aki a haya apoyo di e grupo cultural di India. Dialuna 5, tabata tin un danza emblematico, riba Plaza Betico Croes, cu e grupo di folclor.

Señora Luisa Pieterson, naci na Venezuela y cu tin hopi aña biba na Aruba, a expresa palabranan di gratitud na pueblo di Aruba, pa su acogida como un grupo di folclor y labor humanitario.

E dama a gradici tambe Departamento di Cultura di Aruba, representa pa John Freddy Montoya, Centro di Bario Brazil, y tur sponsor.

Señora Pieterson a ricibi sosten di locutornan local y gruponan musical manera Grupo Rumba Caribeña, Union Gaitera di Venezolanonan y e Gruponan Venezolano Araguane, y Harpa, Cuatro y Maracas. 

Por aprecia varios potret di e actividad aki, pa conmemora e Fecha di Independencia di e Republica Bolivariano di Venezuela. “Gloria al bravo Pueblo”!