Bunita arte traha cu palo pa Esequias Perez

ORANJESTAD (AAN)-- Esequias Perez Martinez a presenta un exposicion di arte, den aire liber, net den e lorada pa bay Mabon.

E articulonan ta traha di palo, y den entrevista cu DIARIO el a conta cu un accidente a transforma su bida, pero no su soñonan.

El a cuminza traha obranan cu pida troncon cu e tabata haya den e patio di su cas, formando figuranan, y despues el a bay Colombia cu un ruman, unda el a siña hopi mas. E obranan ta traha na Aruba pero e materia prima ta bin di Colombia, cu ta un palo special mas docil pa traha cune, y cu yama Ceiba Torua, ya prome e tabata uza un material mas rustico.