Naturaleza no ta tene su mes na fecha cu hende a introduci
*Noordoostpassaat ta oficialmente mara na clima na Aruba
*Februari ta luna friu na Merca y ta produci frentenan friu
ORANJESTAD (AAN) — Noordoostpassaat, Easterlies, Easterly trade winds, ta palabranan conoci na Aruba, como parti di educacion basico na school.
Nan ta mustra riba e direccion general di biento di Aruba, cu ta papia den situacionnan normal di “biento di pariba”. Na momento cu biento bini di Zuid of Pabou, Aruba ta prepara su mes pa condicionnan pisa di tempo cu por bini di pabou of di continente Venezolano.
Clima di Aruba ta depende mescos cu henter naturaleza di situacionnan general, cu ta haci mundo un culminacion di interdependencia.
Arubianonan semper a biba cu naturaleza cu tabata dicidi pa tempo di sembra y tempo di cosecha entre otro, mescos cu e temporada di horcan y e peliger di bientonan di pabou.
Naturaleza ta determina kico por spera na cada momento di aña, aunke hende no por dicidi pa naturaleza con e ta comporta su mes cada momento.
Esaki ta haci cu hende mester tene e realidad di naturaleza na consideracion den su planificacion.
Carnaval ta un celebracion grandi na Aruba, cu ta conoci como un pais cu tradicionnan religioso na cual hopi tradicion tambe ta mara.
Carnaval ta e temporada prome cu Cuaresma, cu ta determina celebracionnan y observacionnan religioso manera Pasco Grandi, e fiesta religioso di cual e fechanan di Cuaresma ta depende y asina e fecha di Pasco Grandi.
Na 2024, Carnaval asina ta wordo celebra den un temporada cu riesgo pa yobida ya cu e temporada di yobida mas importante ta di September te cu Januari na Aruba, cu ta depende di e condicionnan di tempo di su region.
Ora papia di Noordoostpassaat, ta papia di e fluho di biento for di Noordoost y mester tene na consideracion e situacionnan cu sistemanan ta produci.
Uno di e situacionnan cu por trece basta yobida ainda na Januari sigur, ta e restonan di frentenan friu, cu ta baha for di Continente Mericano y ta biaha direccion pariba.
Nan ta topa cu e Noordoostpassaat y ta cuminsa biaha for di Noordoost pa alcansa Aruba.
Na 2024, Aruba a mira kico esaki ta nifica pa celebracion di Carnaval, na momento cu un situacion di yobida a presenta su mes.
Sinembargo, mester tene na consideracion temporadanan cu grandinan di Aruba tabata conoce.
Kico a pasa na Aruba cu a wordo confronta cu yobidanan durante celebracion di Carnaval?
Naturaleza tin e contesta. Carnaval ta tempran na 2024 y un siman despues di Januari cu oficialmente ainda por produci un bon yobida, un sistema cu ta produci yobida a baha for di Noord pa alcanza Aruba!
