Brunch special pa directiva nobo di Kiwanis Club of Aruba tuma over

Discurso yen inspiracion di president Indra Pereira

ORANJESTAD (AAN): E directiva nobo di Kiwanis Club of Aruba a sinta pa e aña kiwanistico nobo 2025-2026, cu un brunch special riba Diadomingo.  Un forma maraviyoso pa celebra liderato, servicio, y comunidad.

   Prome cu esey, a manda palabra di gratitud na e directiva saliente cu a haci bon trabao.  Y asina oficialmente a instala e directiva nobo.

   Un momento special ora cu Edjean Semeleer a canta Himno di Aruba, cu a yega e lugar cu orguyo y unidad.  Tambe tabatin un momento bunita di inspiracion suministra pa Ivonne Pereira, kende ta mama di e president nobo Indra Pereira, kende a uza palabranan pa corda tur hende riba e poder di servicio na comunidad.

   E merdia aki a nomina Norma Brinkenberg-Spellen como Kiwanian of the Year, presenta door di Tessely Koolman-Ranis, kende a reconoce e dedicacion completo y pasion di Norma.

   President nobo Indra Pereira a bin cu un discurso yen inspiracion, unda el a pone su vision pa e aña su dilanti y a tuma un momento pa reconoce e contribucion fenomenal di Program Committee pa e organizacion di e brunch special ey.  Tabatin musica di DJ Vibes y riba potret por mira mas di e actividad.  Potretnan pa cortesia di Kiwanis Club of Aruba.