Brazil Taekwondo Stichting a keda cla cu photoshoot pa e Kalender di 2024

ORANJESTAD (AAN):  Despues di algun luna Brazil Taekwondo Stichting a caba cu photoshoot pa e Kalender di 2024.

E team di Brazil Taekwondo Stichting a core rond y busca varios luga pa saca potret. Nan por a saca potret den weekend so, mirando cu e atletanan ta bay scol den siman.

            Nan no tabata kier a ripiti e luganan cu a saca caba den e Kalendernan anterior.

            Best Shot by Klaber a saca un total di 2645 potret. Mester bay pasa ariba tur e potretnan pa laga e Presidente di Brazil Taekwondo Stichting Clifford Rasmijn dicidi cua di tur e potretnan lo bay den e Kalender di 2024.

            E Kalender di 2024 ta bay bira uno hopi bunita cu kibramento di panchi di dak y palo. E Kalender 2024 ta pa recauda fondo pa bay Korea na aña 2024 pa camptraining y participa na un campeonato.