ORANJESTAD (AAN): E tan stima y aprecia cabezante di Scol Basico Xander Bogaerts na San Nicolas, esta juffrouw Ustelle Cornet a baha cu pensioen, despues di a sirbi enseñansa di Aruba pa 36 aña.
El a duna les prome na Reina Beatrix School, y despues a sigui na Commandeur Pieter Boer School. Na 2012 el a bira cabezante di e scol, y bao di su maneho ta hopi cambio a bin dilanti, incluyendo e hecho cu e scol a cambia di nomber pa Scol Basico Xander Bogaerts, dunando honor na e astro pelotero kende ta un ex-alumno.
Debi na e aprecio grandi cu tin pa Juffrouw Ustelle, su coleganan a organisa un fiesta di despedida bon anima na Hopi Stout Place na Siribana, Santa Cruz. Aki tabatin animacion di DJ, como tambe cantamento, entrega di regalo, delicioso pasaboca, un pastechi iresistible, y presentacion di sorpresa di Mariachi Nacional. Ademas di docentenan, tabatey presente amigo- y amiganan di Juffrouw Ustelle, y tambe representantenan di DPS.
DIARIO ta desea juffrouw Ustelle Cornet, tur cos bon y goza di su pensioen.
https://diario.aw/categories/noticia/general/fiesta-special-pa-cabezante-ustelle-cu-a-baha-awor-cu-pensioen#sigProIdcdcfcf5f25
