ORANJESTAD (AAN): Recientemente, Corte di Prome Instancia na Aruba a cuminza cu e asina yama ‘Summer Caribbean Court’,
cu ta un stage corto pero intensivo dirigi na studiantenan di universidad cu ta studiando ley na Universitario, cu tin resultadonan di estudio hopi mas halto cu promedio.
Tabatin hopi interes entre e studiantenan pa e oportunidad unico aki, pero na final ta Alec Besaril di Universidad di Leiden, y Karenza Geerman di Universidad di Utrecht a wordo selecta pa core stage na Hof.
Durante e etapa di stage aki, nan lo bay haya un bon idea di e trabao hudicial, nan lo por fungi como griffier pa asisti e Hues durante casonan, y lo cera conoci cu e ekiponan di Derecho Civil, Penal, y Administrativo.
DIARIO a compronde cu e stage a dura tres siman, y tabata hopi instructivo pa e studiantenan. Aki por mira e studiantenan Alec Besaril y Karenza Geerman den sala di corte.
