Bradley ‘Easy B’ Versprey a gana Calypso Showdown 2025

ORANJESTAD(AAN): Diasabra anochi a tuma lugar pa prome biaha e asina yama Calypso Showdown, na Kulture Café na San Nicolas.

   E aña aki a dicidi di no tene un Caiso & Soca Monarch contest durante temporada di Carnaval, sino Stichting Musica a organisa e asina yama Calypso Showdown 2025.

  Un total di 10 cantante a participa na e evento cu tabata bon bishita.

   Tabata tin dos cantante femenino esta Sashah Figueroa (Queen Sashah) y Emelie Peterson (Queen Melody).

E otro cantantenan tabata Bradley Versprey(Easy B), Charles Hooker (Dr. Hook), Richard Quant (Mighty Tatoo), Adolfo Richardson (The Commissioner), Soilo Sanchez (Lord Lally), Angelo Richardson (The Soca Mafia), Carl Roosberg (Galloway) y Ralph Godet (Mighty Jaoul).

   Na final  ganador a resulta di ta Bradley ‘Easy B’ Versprey cu su cancion titula Pass D Mic.  El a wordo corona door di Ministro Wendrick Cicilia, y Asociacion Musica a present’e cu 10.000 Florin cash como ganador.