Hopi hende na Ban Bek Caya Back to School Edition

Awacero a comporta su mes

ORANJESTAD (AAN): Diabierna atardi pa anochi, a tuma lugar den Caya Principal na Playa un otro actividad di ‘Ban Bek Caya’, y e biaha aki denomina como ‘Back to School Edition’.

   Comerciantenan den Caya Betico Croes a haya chens di trece ofertanan unico pa clientenan, y tabatin extra atencion pa atende tur persona cu drenta den nan tienda.

   Pafo tabatin diferente entretenimento pa mucha, musica di steelpan y caha di orgel pa ciudadanonan, y tambe DJ pa otro genero di musica.

   Tabatin e Food Court cu a percura pa hendenan keda cu barica yen, y bendedornan local cu a haya un espacio pa ofrece nan productonan tambe.  Por a mira e.o. Prome Ministro Mike Eman y Ministro Wendrick Cicilia ta cana rond den publico, y e Tram tambe tabata move rond.

   Awacero a cay henter dia, pero anochi a comporta su mes.