Bold Properties kier gradici tur cu a apoya nan

ORANJESTAD (AAN): Sin duda alguno, e prome aniversario di e compania Bold Properties, hunto cu e celebracion di Dia Internacional di Hende Muhe, a converti su mes den un anochi poderoso.

   Bold Properties Aruba a wordo funda pa señora Aileen Kelly y Jenniffer Figaroa. E industria di real estate a crea trabao y aumenta entrada di famia.  Real Estate ta e nucleo pa por mehora bario y areanan comercial.  Como cu nan ta implementando continuamente e is at the core when it comes to improving our neighborhoods and commercial areas.

   Como cu nan ta bin ta implementa continuamente e enfoke BOLD den tur nan esfuerzonan desde nan fundacion oficial di 8 di Maart 2022, nan ta encanta di a celebra nan prome aniversario, cu a coincidi cu e celebracion mundial di Dia Internacional di Hende Muhe.

   E team ta forma di siete muher BOLD te cu awor, esta Cady Henriquez, Eva Wever, Genesis Toloza, Jessie Romelli, y Shekainah Daal, kendenan hunto cu Aileen y Jenniffer ta forma e team di BOLD.  BOLD tabata kier pa e evento aki tabata uno significativo.

   Pesey mes, nan tabatin intencion di probecha di e ocasion ey braza e importancia di muher den industria empresarial di Aruba.  E tema di nan celebracion tabata uno di e Dia Internacional di Hende Muhe di e aña aki: DigitALL: Inovacion y Tecnologia pa e igualdad di genero.

   E prome muher cu ta Prome Ministro di Aruba, Evelyn Wever-Croes, tabata presente pa e ceremonia di corta cinta, y e prome dama di Aruba a destaca profundamente e importancia pa celebra muhernan dilanti e audiencia, y di e forma ey hunto lo por magnifica e empoderamento di e muhernan riba un atardi bunita.

   Despues a toca turno pa Ministro di Economia, Comunicacion, y Desaroyo Sostenible Geoffrey Wever a menciona palabranan inspirador riba muhernan den industria di real estate riba e isla.  Ministro di Finanzas y Cultura, Xiomara Maduro tambe tabata presente y a mustra con importante ta pa uni forza y celebra e dia aki.

   Pesey awor gerencia kier a tuma e oportunidad aki pa expresa nan sincero gratitud pa partnernan principal, clientenan, famia- y amigonan, specialmente esnan cu tabata presente, nan no por nabega den e industria aki sin bo sosten y colaboracion continuo.

   Bold Properties Aruba ta orguyoso di e exito di e evento aki, mirando e impacto fuerte cu el a haci y e reaccion cu nan a ricibi, tabata un abundancia di positivismo.  Esaki ta motiva nan pa sigui traha mes duro cu semper, y aun mas fuerte, pa por sigui logra metanan y sobrepasa tur clase di baricada.  Nos ta afortuna di ta biba na un lugar cu ta dunabo e libertad pa haci esey, pues florece na un forma BOLD.