Di e forma aki Aruba a cuminza su celebracion oficial di Himno y Bandera

ORANJESTAD (AAN): Diasabra mainta a tuma lugar den Vondellaan net dilanti Plaza Libertador Betico Croes, e acto protocolar oficial relaciona cu Dia di Himno y Bandera.

   Dignatarionan local, incluyendo Ministro, Parlamentario, demas hefenan di departamentonan, y tambe Prome Ministro Pisas di Curaçao, tabata presente pa e acto aki.

   El a inclui discurso, declamacion di poesia, canto, baile, y desfile di gruponan local.

   Polisnan a percura pa cera caminda trempan, y tur hende tabatin un mainta alegre caminda nubianan a percura pa nada di yobida, y solo a briya intensivamente.

   Riba combinacion di potretnan por mira un angulo diferente di e ceremonia di Diasabra mainta na Plaza Betico Croes.