Bold Properties Aruba a habri su porta oficialmente

Promoviendo empoderamento di hende muher

ORANJESTAD (AAN):  Diaranson anochi, riba Dia Internacional di Hende Muher, tabata tin un ceremonia special di corta cinta pa e apertura oficial di Bold Properties Aruba, cual ta un empresa di 'real estate' cu ta pertenece completamente na partnernan hende muhe. Nan ta ubica na Caya Taratata.

            Esaki ta sigur algo significativo pa Aruba, ya cu ta promove igualdad di genero y empoderamento di hende muhe den mundo di negoshi. 

            Na e ceremonia tabata tin invitadonan special manera Prome Minister Evelyn Wever-Croes, Minister Xiomara Maduro y Minister Geoffrey Wever, kendenan a keda masha impresiona y contento cu e hecho cu mas y mas ta creando inspiracion pa otro hende muhe cu ta desea di logra exito empresarial aki na Aruba.