ORANJESTAD (AAN): Segun tradicion di hopi decada caba, riba Diaranson mainta tabatin e apertura oficial di Temporada di Caranval 73.
Esaki ta socede riba fecha 11-11 pa exactamente 11:11 am.
E acto oficial a socede net dilanti sede principal di Aruba Tourism Authority (ATA), y e programa a conta cu participacion di presidente di Stichting Maneho di Aruba su Carnaval (SMAC), Rusette Croes, Prome Minister kende alavez ta Minister di Cultura Mike Eman y CEO di ATA, Ronella Croes.
Durante su discurso, Prome Minister a felicita e directiva anterior di SMAC pa su dedicacion y trabao, y a duna bon bini na e directiva nobo bou di liderazgo di Rusette Croes.
Durante e mainta tambe a tuma luga un momento di reconocimento na miembronan di e directiva anterior di SMAC pa nan contribucion na Carnaval. Cu e inicio oficial di Carnaval 73, Aruba ta prepara pa un otro temporada cu lo culmina cu e Parada Grandi dia 7 di februari 2027 den Oranjestad.
Prome Minister a cera su mensahe cu palabra di agradecimento na tur esnan cu ta dedica nan tempo y energia na Carnaval, expresando su deseo cu e temporada nobo lo ta uno exitoso, cu bendicion di Dios y cu un celebracion caminda pueblo di Aruba por sinti orguyo di su cultura y tradicion.
https://diario.aw/categories/noticia/general/bista-grafico-di-e-apertura-di-temporada-di-carnaval-73#sigProIdc47d53f9ee
