Biblioteca a organisa diferente actividad pa tur mucha

Festival di Buki di Mucha

ORANJESTAD (AAN): Biblioteca ta invita tur mucha pa participa den algun actividad special cu nan a prepara pa celebra Festival di Buki di Mucha.

Tin actividad den oranan di atardi, di dialuna pa diahuebs. Tur atardi tin actividad pa mucha na Biblioteca na Playa y San Nicolas. Esaki ta di 3'or pa 4'or y entrada ta gratis. Lo tin contamento di storia y presentacion di autor di buki pa mucha y tambe ilustrador. Esaki ta un bunita oportunidad pa cera conoci cu buki y autornan, como tambe e biblioteca mes. Cera un grupo di amigonan y bin disfruta un rato na Biblioteca.

Actividad na Biblioteca San Nicolas:

Dialuna 6/11                Emerita Emerencia/ Misha Spanner

Diamars 7/11               Esmeralda Tromp-Jacobs

Diaranson 8/11                        Tio Ali / Crisen Schorea

Diahuebs 9/11             Ruthy Vrieswijk

Actividad na Biblioteca di Playa:

Dialuna 6/11                Tio Ali / Crisen Schorea

Diamar 7/11                Misha Spanner

Diaranson. 8/11                       Sheila Werleman

Diahuebs 9/11             Emerita Emerencia

Biblioteca ta invita tur mucha tambe pa e apertura di su Festival di Buki pa Mucha. Esaki ta tuma lugar diasabra dia 4 di November di 5'or pa 8'or na Cas di Cultura.

-Mercado di buki

Pa tur amante di buki, Biblioteca ta organisa su Mercado di Buki segunda mano di dia 6 pa dia 10 di november. Esaki ta pa 1 siman so na Biblioteca publico na Playa y tambe sucursal San Nicolas. E mercado ta habri segun orario regular di biblioteca. Un bunita oportunidad pa busca den un cantidad grandi di buki pa algo interesante y diferente. Tin tesoro sigur sigur!

Bukinan ta bay na prijs di 1 florin pa buki. Bishitantenan por busca den un coleccion grandi di buki di tur topico. Tin algo pa tur gusto y interes. Pues, di 8'or di mainta pa 5'or di atardi. Orario anochi na Playa ta dialuna y diaranson te 7'or.  Biblioteca San Nicolas ta habri di 8'or pa 5'or. Diamars y diahuebs di 1'or pa 7'or.