ORANJESTAD (AAN): E compania local ta sigui inverti den Educacion di Aruba! Asina Setar NV ta contento pa duna un update di su proyecto di Fiber pa scolnan di Aruba.
Cu e tecnologia di FiberNet, Setar NV ta introduci un era nobo di comunicacion na e scolnan di Aruba. E proyecto aki cu ta un inversion di mas cu 1 Miyon Florin, cu lo hasi cu e infrastructura di scolnan lo ta cla pa un futuro digital.
Riba imagen por mira nan tecnico encarga pa e instalacion di Fiber na Scol Primario Kudawecha. Setar NV ta compromete pa sigui stimula y aporta na e inovacion di Aruba y educacion.
