Bendemento di clapchi ta cla pa cuminza

ORANJESTAD (AAN): Riba di dos Dia di Pasco, esta Diadomingo for di mainta trempan por a mira trekkernan ta move den varios distrito,

pa asina haci entrega di e “Container” pa pone sea dilanti negoshi of banda di caminda, pa asina por cuminza cu benta di clapchi.

   A ser splica na DIARIO, cu awe Dialuna pa 4:00 am, e ora numa tur cargamento di clapchi y vuurwerk lo sali for di Deposito di Wela, y cu escolta di e.o. Polis como tambe personal di DOW lo bay wordo reparti na varios punto di benta na Aruba.

   Ki ora lo cuminza bende?  Un rebendedor a splica cu tur cos lo depende ta con rapido nan lo bay yena productonan riba reki.  Kizas ya pa 10:00 am lo bo por tende e prome double-shot, pagara, of clapchi di mucha ta sona den bo bario.