Ban Caya Dakota Olympic Edition cu hopi actividad interesante pa mucha y hoben

ORANJESTAD (AAN):   Diabierna a tuma lugar 'Ban Caya Dakota' Olympic Edition. El  a cuminsa den oranan di atardi y a finalisa te anochi.

Esaki tabata un tremendo un evento yen di actividad manera competencia di basketball, kids corner, skate, baile, booth di salud, entre otro.

Mucha y hoben, tambe famia, por a disfruta di e actividadnan varia y ameno caminda por a comparti y pasa un rato hopi ameno.

Diferente organisacion tabata presente pa asina por a haci di e evento aki uno special

Esaki ta un iniciativa conhunto entre Bario Unico, Cede Aruba, IBiSA y Centro di Bario Dakota.