Awor cu a finaliza cu vacuna ta ken ta bay drecha e piso di Centro Deportivo Betico Croes

ORANJESTAD (AAN): Awor cu e prikpostnan pa duna Vacuna contra Covid-19 a wordo cambia pa otro lugar strategico,

toch tin algun persona cu kier haya sa, ta kende ta bay paga pa tur e daño cu a wordo haci na Centro Deportivo Betico Croes na Santa Cruz.

   E potretnan aki ta ilustra, con e piso special polyurethane of di resin cu Centro Betico Croes tin, a keda despues cu pa varios siman largo tabatin stul di plastico riba nan.

   E pianan di e stulnan aki a literalmente ‘coba’ den e piso polyurethane of resin aki, creando buraco na varios lugar den e piso cu tin consistencia un tiki riba rubber.  Hopi ta corda con basta placa a wordo hinca pa Sporthall di Santa Cruz a haya e vloer special aki pa haci deporte.  E tabata ideal pa weganan di basketball, volleyball, zaalvoetbal, hasta Karate y Taekwondo.

   Ainda DIARIO ta corda con na comienzo, pa bo por a subi e cancha aki, bo tin di haci esey sea cu keds of meya special, pues nada cu por daña e vloer.

   Aki por mira claramente con el a keda despues di e dianan di vacuna unda miles di hende a para largo den rij pa asina keda eyden cu promedio di 30 minuut largo sinta pa haya e vacuna y warda un rato despues.