ORANJESTAD (AAN): Jeannette Richardson-Baars, Director di Scol pa Polis y tambe Coordinador Nacional di Traficacion y Contrabanda di Hende (Coordination Center on Human Trafficking nd Migrant Smuggling Aruba - CMMA) cual a wordo crea mas cu un aňa pasa.
El a bisa cu den un aňa nan a logra 'setup' tres tarea importante cu ta informacion, educacion y asistencia.
E departamento aki kier pa tur hende na Aruba haya informacion, pero tambe pa comunidad duna informacion. Tin hende cu por sa algo di traficacion of cu tin indicadornan. Pesey por yama CMMA ora cu no ta confia y cu ta pensa cu un caso ta 'fit' den e profil di traficacion di hende, a splica.
Richardson-Baars a agrega cu e number di telefon di CMMA ta 597-5223. Si tin hendenan cu ta den peliger cierto momento tambe por yama hotline di Cuerpo di Polis cu ta 592-3231.
El a indica cu nan ta haya informacion di tur hende na Aruba of internacionalmente, pero nan tambe ta duna informacion y ta haci investigacionnan. Den e parti di educacion, tur hende, tur organisacion cu ta di gobierno of di comunidad mes por pidi pa un training pa haya sa kico ta e indicadornan di traficacion di hende y kico nan por haci pa yuda otro hende cu por ta den un situacion asina, a bisa
Pa loke ta asistencia a laga sa cu nan ta bezig trahando riba un shelter pa victimanan di trafico di hende unda nan por haya yudansa den forma di un abogado, docter, un trahador social of cualkier cos cu nan tin mester pa por sali for di e situacion cu nan ta aden, e coordinador nacional di CMMA a duna di conoce.
Finalmente el a agrega cu esey ta e tres tareanan di CMMA y esnan cu kier mas informacion por bishita nan website www.cmmaruba.com.
Tin un campaňa nobo cu ta 'Habri bo wowo' y por bishita e website www.habribowowo.com of contact CMMA via e email This email address is being protected from spambots. You need JavaScript enabled to view it.
